Tadaima, Ojamasa remasu! Estrea o seu anime o 7 de abril

A adaptación a anime para televisión do manga dixital Tadaima, Ojamasa remasu! (Estou na casa, voume colar!) estreará o 7 de abril de 2026 no bloque AnichU de Nippon TV e outras canles.

Esta comedia romántica segue a Rinko, unha oficinista de 24 anos e otaku en segredo. A súa vida dá un xiro cando unha protesta mediante «golpe de parede» da súa veciña da dereita acaba nun burato na parede. A culpábel resulta ser Usada, a creadora do manga favorito de Rinko. Os danos esténdense tamén á parede da súa veciña da esquerda, Satsuki, creando unha insólita situación triangular de convivencia.

Kana Hanazawa dá voz á protagonista, Rinko. Kaito Ishikawa interpreta ao veciño Satsuki, e Haruki Ishitani pon voz á mangaka Usada.

A animación está a cargo de Tatsunoko Pro. A serie diríxea e escrebea Itsuki Imazaki. O tema de apertura «C'est la vie» é do grupo Cho Tokkyu. O tema de peche «Sankaku Game» interpretao YUIKA.

O manga orixinal de Wato Mura superou os 13 millóns de descargas na plataforma Comic CMOA desde o seu debut en 2020. Emitirase no Xapón un anuncio de colaboración con novas gravacións de voz do elenco.

Máis información está dispoñíbel na web oficial do anime e nas súas redes sociais.

Fonte: PR Times vía NTTソルマーレ株式会社