Koji Yakusho, Bida sa Netflix Comedy na 'Did Someone Happen To Mention Me?'

Inilabas na ang pangunahing trailer at key art para sa serye ng Netflix na 'Did Someone Happen To Mention Me?'. Pinagbibidahan ito ni Koji Yakusho bilang isang tanyag na aktor na bumalik sa Japan makalipas ang dalawang taon sa ibang bansa at matuklasang tuluyan na siyang nakalimutan.

Isinulat ni Kankurō Kudō at ipinroduk ni Akira Isoyama, ang serye ay isang human comedy na sumusunod sa karakter ni Yakusho, si Takasegawa Gen, habang pinipilit siyang magsimulang muli sa kanyang karera mula sa wala. Napadpad siyang magtrabaho sa isang sauna sa distrito ng Okubo sa Tokyo, kung saan nakilala niya ang isang kakaibang grupo ng mga tauhan.

Itinatampok sa trailer ang theme song ng serye, ang 'A Ta Shi Kenchana Yo', isang duet na inawit ng mga karakter sa loob ng palabas. Isinulat ang kanta ni Kudō habang ang musika ay kinompose ni Ken Yokoyama.

Kasama sa ensemble cast sina Kento Kaku, Ken'ichi Matsuyama, Noriko Eguchi, Yumi Kawai, Masatoshi Hamada, Yūto Isomura, Maki Sakai, at Yō Yoshida.

Ang 'Did Someone Happen To Mention Me?' ay magiging eksklusibo sa Netflix sa buong mundo simula Oktubre 22, 2026.

Source: PR Times via THE SEVEN